വിദ്യാലയഗീതം - ബി.ബി.എം. എൽ.പി. സ്കൂൾ

വിദ്യാലയഗീതം

അക്ഷരജ്വാല തെളിച്ച്,
അജ്ഞതയെല്ലാമകറ്റീ,
അകതാരിലറിവിന്റെ
ദീപം കൊളുത്തുമീ
ബീബിയെം സ്കൂൾ, ധന്യദീപ്തം!

നൂറുസംവത്സരമായി,
നൂറായിരങ്ങൾക്കു ജ്ഞാനം-
നല്കിയ പാവനഗേഹം; ഇന്നും
നന്മതൻ സംസ്കൃതിയ്ക്കുറവ!

ഈത്തിരുമുറ്റത്തു ഞങ്ങൾ,
കുഞ്ഞുങ്ങൾ കൈകൂപ്പിനില്പൂ;
വിജ്ഞാനദീപപ്രഭയാൽ,
ഞങ്ങളെ നേർവഴികാട്ടൂ ...

വാലെന്റൈൻ പുണ്യവാനേ .... (ഗാനം)

വാലെന്റൈൻ പുണ്യവാനേ,
ദാമ്പത്യസ്നേഹത്തിൻ കാവലാളേ ....
ദൈവസ്നേഹാഗ്നിയാൽ നിറയുന്ന ഹൃദയങ്ങൾ
ദമ്പതിമാരിൽ ജ്വലിച്ചിടുവാൻ,
ദൈവപിതാവിന്റെ സന്നിധിയിൽ നിത്യം
മാദ്ധ്യസ്ഥമേകുന്ന പുണ്യവാനേ,
വാലെന്റൈൻ പുണ്യവാനേ....

ആദിയിൽപ്പുരുഷനും സ്ത്രീയുമായ് മർത്ത്യനെ
പാരിതിൽ സൃഷ്ടിച്ചൂ നിത്യദൈവം;
ദൈവസംയോജിതദാമ്പത്യബന്ധങ്ങൾ
സുസ്ഥിരമാകുവാൻ പ്രാർത്ഥിക്കണേ,
വാലെന്റൈൻ പുണ്യവാനേ.....

നിസ്വാർത്ഥദാമ്പത്യസ്നേഹത്താൽ ഭൂമിയിൽ
സ്വർഗ്ഗംചമയ്ക്കും കുടുംബമാകാൻ
ഞങ്ങൾക്കും നീ, സ്നേഹതാതാ,
പ്രാർത്ഥനയാൽ തുണയേകിടേണേ,
വാലെന്റൈൻ പുണ്യവാനേ.....

വാലെന്റൈൻ പുണ്യവാനേ,
ദാമ്പത്യസ്നേഹത്തിൻ കാവലാളേ ....
ദൈവസ്നേഹാഗ്നിയാൽ നിറയുന്ന ഹൃദയങ്ങൾ
ദമ്പതിമാരിൽ ജ്വലിച്ചിടുവാൻ,
ദൈവപിതാവിന്റെ സന്നിധിയിൽ നിത്യം
മാദ്ധ്യസ്ഥമേകുന്ന പുണ്യവാനേ,
വാലെന്റൈൻ പുണ്യവാനേ.....

രചന: ജോസ് ആറുകാട്ടി

പുതുവർഷപ്പുലരിയിലേക്ക്

ധനുമാസക്കുളിരുംപേറി, പുതുവർഷപ്പുലരി പിറന്നേ,

നീഹാരക്കോടിയുടുത്ത്,

അഴകോടെ ഭൂമിയൊരുങ്ങി...

പ്രത്യാശപ്പൊൻകിരണങ്ങൾ പുതുവീഥിയൊരുക്കുകയായി...

അതിജീവനമന്ത്രംചൊല്ലി അണിചേരുക നാം.

അതിജീവനമന്ത്രംചൊല്ലി, അണിചേരുക സ്നേഹിതരേ നാം.

കാലിൽപ്പൊൻകാൽത്തളകെട്ടീ,

കല്ലോലിനി കരയെപ്പുൽകി,

തരുനിരകൾ കാറ്റിലുലഞ്ഞൂ,

കളഗാനംപാടീ കിളികൾ

കണ്ണീരിൻകാലം മാഞ്ഞൂ,

പുതുവഴികൾ വെട്ടിടിടുക നാം

അതിജീവനമന്ത്രംചൊല്ലി അണിചേരുക നാം.

അതിജീവനമന്ത്രംചൊല്ലി, അണിചേരുക സ്നേഹിതരേ നാം.

തളരേണ്ടാ, മനമിടറേണ്ടാ,

തൺപെടുമീ നാളുകൾ മായും

പ്രതിസന്ധികളേതും നമ്മൾ,

പ്രതിയത്നതയോടെ വെല്ലും;

വർദ്ധിതമാമൂർജ്ജത്തോടെ

വരവേൽക്കാം പുതുവർഷത്തെ!

അതിജീവനമന്ത്രംചൊല്ലി അണിചേരുക നാം.

അതിജീവനമന്ത്രംചൊല്ലി അണിചേരുക സ്നേഹിതരേ നാം.

ധനുമാസക്കുളിരുംപേറി, പുതുവർഷപ്പുലരി പിറന്നേ,

നീഹാരക്കോടിയുടുത്ത്,

അഴകോടെ ഭൂമിയൊരുങ്ങി...

പ്രത്യാശപ്പൊൻകിരണങ്ങൾ പുതുവീഥിയൊരുക്കുകയായി...

അതിജീവനമന്ത്രംചൊല്ലി അണിചേരുക നാം.

അതിജീവനമന്ത്രംചൊല്ലി, അണിചേരുക സ്നേഹിതരേ നാം.